"ایبلیسله سؤودلشمه"
یازار :مارک توئن
آمریکا ادبیاتی‌نین تانینمیش کلاسسیک ناصریندن چوْخ اوْخوناقلی بیر بدیی نثر نۆمونه‌سی
بئله بیر شرایطده قلبیمی ایبلیسه ساتماق قرارینا گلدیم - پوْلاد سهم لری‌نین مزننه‌سی دۆشموش، دیگر سهملرین ده وضعیتی اۆرکاچان دئییلدی، اعتبارلی مۆسسیسه‌لر ده ایفلاسا اۇغراییردیلار. نه قدر کی، الیمده بیر میقدار ثروتیم وار، تئز بیر زاماندا اوْنو دؤوریه‌یه بۇراخیب کاپیتال توْپلاماق لازیم ایدی. چوْخ یۇبانمادان یئرلی دللاللاردان بیری جناب ن.-ه تکلیف ائدیلن محصولون و اوْنون هانسی وضعیتده اوْلماسینی اطرافلی تصویر ائدن مکتوب یوْللادیم. ایبلیسله گؤروش گئجیکمه‌دن تئز بیر زاماندا تشکیل ائدیلدی. مۆقاویله باغلاندیغی تقدیرده دللال 2،5 % کوْمیسیوْن حاقی آلاجاقدی.