باهار ترانه‌لری

باهار ترانه‌لری

باهارین ایپیلیق بیر گئجه‌سینده

آچیب دسته-دسته گۆللر، چیچکلر.

اۆرک تزه عشقه دۆشمه‌سین دئیه

اؤزونو بیر قریب سۆکوتا کؤکلر.

ایندی بۇ باهاردان هانسی گۆل منیم؟!

تۇتوب بیر چیچه‌یین گؤزلرینی نم.

منی وصف ائیله‌مز بۆلبولون سسی،

اؤزومو زانباغدان گؤزله‌یه بیلسم.

بۇ دا بیر سێخینتی، گلیر زنگ سسی،

آزمیشام باهاردا، یوْلوم آغ اوْلمور.

گؤزومه باهارین باخیشی دۆشور،

اۆرگی سئهردن قوْروماق اوْلمور.

باهاردیر گؤزه‌لین بیر جۆت گؤزو ده،

عاغیل باشدان چێخیب کمنده دۆشور.

دوْلوب بۆلبولو ده، قێزیلفگولو ده،

هامی بۇ تیلسیمه، بۇ بنده دۆشور.  

شاعر:قؤتئ

ترجومه:الکبر قۇباتوْو